ஐயன்கன்குளம் படுகொலையின் இரண்டாம் ஆண்டு நினைவு - 27 நவம்பர் 2007

முல்லைத்தீவு மாவட்டத்தின் துணுக்காய் பிரதேச செயலர் பிரிவில் உள்ள விவசாயக் கிராமங்களில் மிகவும் பின்தங்கிய நிலையிலுள்ள கிராமங்களில் ஐயன்கன்குளம் கிராமமும் ஒன்றாகும். இக்கிரமத்தில் சிறார்களின் கல்வியில் மிகவும் அக்கறையுடன் செயற்பட்டுவரும் ஒரே ஒரு பாடசாலையான மு.ஐயன்கன்குளம் அரசினர் தமிழ்க்கலவன் பாடசாலை தரம் 11 வரையான மாணவர்களுக்கே கல்வி கற்பித்து வருகின்றது. மருத்துவ வசதிகள் அற்ற இக்கிராமத்தில் நிலையை உணர்ந்த இப்பாடசாலை மாணவர்கள் அருகிலுள்ள ஆலங்குளம் மருத்துவமனையின் மருத்துவர்களுக்கு உதவுவதும் முதலுதவி தொடர்பான பயிற்சிகளைப் பெறுவதும் வழமையானதே.

அவ்வாறே 2007 நவம்பர் 27ஆம் நாளும் முற்பகல் 11மணியளவில் பாடசாலையிலிருந்து ஆலங்குளம் மருத்துவமனைக்கு நோயாளர் காவுவண்டியில் சென்ற இவர்கள் சுமார் 150 மீற்றர் தூரம் சென்று கொண்டிருக்கும் போது சிறிலங்கா ஆழ ஊடுருவும் அணியினரால் மேற்கொள்ளப்படட் கிளைமோர்த் தாக்குதலில் 06 மாணவர்களும் சுகாதாரத்தொண்டர்கள் இருவர், சாரதி என 09 பேர் சம்பவ இடத்திலேயே கொல்லப்பட்டனர். இரு மாணவிகள் படுகாயமடைந்தனர்.

இச்சம்பவத்தில் உயிரிழந்தவர்களது உடலையும் படுகாயமடைந்தவர்களையும் அப்பகுதி மக்கள் உடனடியாக உழவு இயந்திரம் மூலம் மல்லாவி பொதுமருத்துவமனைக்கு எடுத்துச் சென்று அனுமதித்தனர்.

இவ்வாறனா பாடசாலை மாணவர்கள் மீது சிறிலாங்கா அரசாங்கம் மேற்கொண்ட படுகொலை சம்பவம் இதுதான் முதற்தடவையல்ல. ஆனால் இன்று வரை எந்த படை அதிகாரிகளோ அல்லது அரசியல் தலைவர்களோ இக்குற்றச்செயல்களுக்காக யாராலும் தண்டிக்கப்படவில்லை. மாறாக பதவி உயர்வுகளே அவ்வாறு குற்றம் புரிந்தவர்களுக்கு கிடைத்துள்ளது என்பதுதான் தமிழ் மக்கள் மீது சிங்கள படைகள் மேற்கொண்ட படுகொலைகள் தொடர்பான வரலாறாக உள்ளது.

இச்சம்ப்பவத்த்தில் கொல்லப்பட்ட்டவர்களது விபரம்
01. நாகரட்ணம் மதிகரன் 15 மாணவன்
02. நாகரட்ணம் பிரதீபா 16 மாணவி
03. நித்தியானந்தம் நிதர்சனா 13 மாணவி
04. சந்திரசேகரம் டிறோசா 17 மாணவி
05. கருணாகரன் கௌசிகா 15 மாணவி
06. சண்முகவேல் சகுந்தலாதேவி 17 மாணவி
07. அற்புதராசா அஜித்நாத் 22 சுகாதாரத் தொண்டர்
08. வைரமுத்து கிருஸ்ணவேணி 25 சுகாதாரத் தொண்டர்
09. காந்தன் சாரதி

இச்சம்ப்பவத்த்தில் காயமடைந்தவர்களின் விபரம்
01. சந்திரசேகரம் யசிதா 15 மாணவி
02. தேவராசா உதயராணி 16 மாணவி

Share on Google Plus

About முல்லைப்பிளவான்

This is a short description in the author block about the author. You edit it by entering text in the "Biographical Info" field in the user admin panel.
    Blogger Comment
    Facebook Comment

0 கருத்துரைகள் :

Post a Comment